Tweet
ﺧﯿﺎﻝ ﻭ ﺧﻮﺍﺏ ﮨُﻮﺍ ﺑﺮﮒ ﻭ ﺑﺎﺭ ﮐﺎ ﻣﻮﺳﻢ
ﺑﭽﮭﮍ ﮔﯿﺎ ﺗﺮﯼ ﺻُﻮﺭﺕ، ﺑﮩﺎﺭ ﮐﺎ ﻣﻮﺳﻢ
ﮐﺌﯽ ﺭُﺗﻮﮞ ﺳﮯ ﻣﺮﮮ ﻧﯿﻢ ﻭﺍ ﺩﺭﯾﭽﻮﮞ ﻣﯿﮟ
ﭨﮭﮩﺮ ﮔﯿﺎ ﮨﮯ ﺗﺮﮮ ﺍﻧﺘﻈﺎﺭ ﮐﺎ ﻣﻮﺳﻢ
ﻭﮦ ﻧﺮﻡ ﻟﮩﺠﮯ ﻣﯿﮟ ﮐﭽﮫ ﺗﻮ ﮐﮩﮯ ﮐﮧ ﻟَﻮﭦ ﺁﺋﮯ
ﺳﻤﺎﻋﺘﻮﮞ ﮐﯽ ﺯﻣﯿﮟ ﭘﺮ ﭘﮭﻮﺍﺭ ﮐﺎ ﻣﻮﺳﻢ
ﭘﯿﺎﻡ ﺁﯾﺎ ﮨﮯ ﭘﮭﺮ ﺍﯾﮏ ﺳﺮﻭ ﻗﺎﻣﺖ ﮐﺎ
ﻣﺮﮮ ﻭﺟﻮﺩ ﮐﻮ ﮐﮭﯿﻨﭽﮯ ﮨﮯ ﺩﺍﺭ ﮐﺎ ﻣﻮﺳﻢ
ﻭﮦ ﺁﮒ ﮨﮯ ﮐﮧ ﻣﺮﯼ ﭘﻮﺭ ﭘﻮﺭ ﺟﻠﺘﯽ ﮨﮯ
ﻣﺮﮮ ﺑﺪﻥ ﮐﻮ ﻣِﻼ ﮨﮯ ﭼﻨﺎﺭ ﮐﺎ ﻣﻮﺳﻢ
ﺭﻓﺎﻗﺘﻮﮞ ﮐﮯ ﻧﺌﮯ ﺧﻮﺍﺏ ﺧُﻮﺵ ﻧﻤﺎ ﮨﯿﮟ ،ﻣﮕﺮ
ﮔُﺰﺭ ﭼﮑﺎ ﮨﮯ ﺗﺮﮮ ﺍﻋﺘﺒﺎﺭ ﮐﺎ ﻣﻮﺳﻢ
ﮨَﻮﺍ ﭼﻠﯽ ﺗﻮ ﻧﺌﯽ ﺑﺎﺭﺷﯿﮟ ﺑﮭﯽ ﺳﺎﺗﮫ ﺁﺋﯿﮟ
ﺯﻣﯿﮟ ﮐﮯ ﭼﮩﺮﮮ ﭘﮧ ﺁﯾﺎ ﻧﮑﮭﺎﺭ ﮐﺎ ﻣﻮﺳﻢ
ﻭﮦ ﻣﯿﺮﺍ ﻧﺎﻡ ﻟﯿﮯ ﺟﺎﺋﮯ ﺍﻭﺭ ﻣﯿﮟ ﺍُﺱ ﮐﺎ ﻧﺎﻡ
ﻟﮩﻮ ﻣﯿﮟ ﮔُﻮﻧﺞ ﺭﮨﺎ ﮨﮯ ﭘﮑﺎﺭ ﮐﺎ ﻣﻮﺳﻢ
ﻗﺪﻡ ﺭﮐﮭﮯ ﻣﺮﯼ ﺧُﻮﺷﺒﻮ ﮐﮧ ﮔﮭﺮ ﮐﻮ ﻟَﻮﭦ ﺁﺋﮯ
ﮐﻮﺋﯽ ﺑﺘﺎﺋﮯ ﻣُﺠﮭﮯ ﮐﻮﺋﮯ ﯾﺎﺭ ﮐﺎ ﻣﻮﺳﻢ
ﻭﮦ ﺭﻭﺯ ﺁ ﮐﮯ ﻣﺠﮭﮯ ﺍﭘﻨﺎ ﭘﯿﺎﺭ ﭘﮩﻨﺎﺋﮯ
ﻣﺮﺍ ﻏﺮﻭﺭ ﮨﮯ ﺑﯿﻠﮯ ﮐﮯ ﮨﺎﺭ ﮐﺎ ﻣﻮﺳﻢ
ﺗﺮﮮ ﻃﺮﯾﻖِ ﻣﺤﺒﺖ ﭘﮧ ﺑﺎ ﺭﮨﺎ ﺳﻮﭼﺎ
ﯾﮧ ﺟﺒﺮ ﺗﮭﺎ ﮐﮧ ﺗﺮﮮ ﺍﺧﺘﯿﺎﺭ ﮐﺎ ﻣﻮﺳﻢ
پروین شاکر